V Encontro Internacional de Micoloxía do Arco Atlántico

Este Outubro hai unha interesantísima cita difícil de deixar pasar para moitos micólogos, unha cita que este ano nos toca en terras galegas; unha oportunidade como ningunha oitra aprender, intercambiar ideas, poñerse ó tanto das últimas investigacións e pasarse en definitiva catro días inmerso dunha maneira ou oitra entre cogomelos. Charlas e conferencias, exposicións, música (si si, non leestes mal), saídas ó monte... Trátase do V Encontro Internacional de Micoloxía do Arco Atlántico, que se celebrará do 9 ó 12 de Outubro en Ferrol. A Asociación Micolóxica Viriato de Ferrol, se encarga este ano da organización deste evento que se celebrará no recinto ferial e de congresos de Ferrol (FIMO).

Aquí tedes o enlace á páxina web con toda a información (inscripción, programación, horarios, hoteis, ...); dende Refungando temos en mente acudir asi que, ¡vémonos alí!

Enlace á Páxina: http://encontromicoloxia.blogspot.com/