![](https://blogger.googleusercontent.com/img/b/R29vZ2xl/AVvXsEhUzIY-H0ykxncszeQxxDc45nVW9jLxsxcJxPiGQL13BlwtAsWlxKS1c4PXh6VZeRr3Duh7vB1jgmaPpcVaWPebRRGM0DGi400rrYYPumh_wUfWZ6yl_zt4eHW4QCbvfSrC0au458lmYMs/s320/helvella.jpg)
Nós, namentres, se ben non temos a sorte de atoparnos manxares como Craterellus Cornucopioides, si que nos atopamos sinxelas belezas coma a da imaxe da esquerda, unha Helvella Elastica, (antigamente Leptopodia Elastica) coa súa característica forma de sela de montar.
Así que agarrade as rendas, que imos a coñecer un pouco máis de esta curiosa especie que nos volve a lembrar a cantidade tremenda de formas e cores da que fan gala os ascomicetos (ós que pertence) en particular e os cogomelos en xeral. Imos botar unha ollada á descripción macroscópica deste "froito" de fungo, pincha en "ler máis".
DESCRIPCIÓN
![](https://blogger.googleusercontent.com/img/b/R29vZ2xl/AVvXsEg28dQbdr3OUHKQgAkbu4bwa4Cnzx0sgsHuXx7cs_ug2N_QUIw4MURfEASPq4MALd3ie8yQ3CxK_8d01BvuvQY41Onj-_Xc0HvLfCm3gmLPaXdTXHxWJ39PcL9FXJn4Rr66VbMfaNRgMNo/s200/helvella2.jpg)
Carne: Elástica e gomosa. De olor e sabor inapreciables. Síntese.
Hábitat: Crece en bosques frescos de ribeira e tamén en bosques de folla. En rupos máis ou menos numerosos. Verán e outono (aínda que as imaxes son de exemplares fotografados a finais de Xaneiro!). Frecuente en toda Galicia, aínda que non tanto na nosa zona, onde aínda que se atopa, é de forma anecdótica.
![](https://blogger.googleusercontent.com/img/b/R29vZ2xl/AVvXsEhMoebkVNTnsEsAL7i1WH4U7zYoMtcTSqUwp1-AuHXqFbzss2bTmbwliWelvbVOH-a69tzxct4DhGkciZg7hh-tlatabRwHrxgPQ6TR7xS_l0LijHiWnw6IjwsWpzLBPJTS1bmBkxx5ZPI/s200/helvella3.jpg)
Helvella Elastica é tóxica en crú, como todas as Helvellas, e comestible de pouco ou ningún interese despois de ben cocida, así que ide olvidándovos de pegarvos boas enchentas. Este cogomelo ten máis interese dende o punto de vista mediciñal: en 2005 un grupo de científicos coreanos comprobou a efectividade do extracto de 67 cogomelos distintos para facilitar a fribrolise, isto é, a disolución de trombos provocados pola coagulación sanguínea; Helvella elástica foi un dos 7 cogomelos que se mostraron eficaces nesta tarefa.
Ler máis...